• HABARI MPYA

    Jumatatu, Desemba 13, 2021

    MAN UNITED SASA NA ATLETICO 16 BORA ULAYA

    TIMU ya Manchester United sasa itamenyana na Atletico Madrid badala ya Paris Saint-Germain katika hatua ya 16 Bora Ligi ya Mabingwa Ulaya.
    UEFA ilibaini dosari kadhaa katika droo ya awali iliyopangwa mchana wa leo Jijini Nyon nchini Uswisi na kuamua kuirudia jioni hii na ndipo Man United ilipotenganishwa na PSG.
    Mabingwa watetezi, Chelsea wao droo mpya imewaachia mpinzani yule yule, Lille ya Ufaransa, wakati timu nyingine za England, Liverpool sasa itamenyana na Inter Milan ya Italia badala ya FC Red Bull Salzburg ya Austria na Manchester City sasa itavaana na Sporting Lisbon ya Ureno badala ya Villarreal ya Hispania.
    Mechi kati ya Manchester United na PSG ilitarajiwa kuwa na mvuto wa kipekee kwa sababu ingewakutanisha tena wanasoka wapinzani wakubwa, Cristiano Robaldo na Lionel Messi.
    Mechi za kwanza zitachezwa Februari 15, 16, 22 na 23 na marudiano Machi 8,9,15 na 16 mwakani.


    RATIBA MPYA 16 BORA LIGI YA MABINGWA ULAYA
    RB Salzburg v Bayern Munich
    Sporting Lisbon v Manchester City
    Benfica v Ajax
    Chelsea v Lille
    Atletico Madrid v Manchester United 
    Villarreal v Juventus 
    Inter Milan v Liverpool
    PSG v Real Madrid
    • Blogger Comments
    • Facebook Comments

    0 maoni:

    Item Reviewed: MAN UNITED SASA NA ATLETICO 16 BORA ULAYA Rating: 5 Reviewed By: Mahmoud Bin Zubeiry
    Scroll to Top