• HABARI MPYA

    Alhamisi, Desemba 23, 2021

    AL AHLY WATWAA SÚPER CUP KIMAAJABU


    MABINGWA wa Ligi ya Mabingwa Afrika, Ahly ya Misri wametwaa taji la CAF Super Cup kwa mara ya nane baada ya kuifunga Raja Athletic, maarufu Raja Casablanca kwa penalti 6-5 baada ya sare ya 1-1 usiku huu Uwanja wa Ahmed bin Ali Jijini Al Rayyan nchini Qatar.
    Raja walitangulia kwa bao la kujifunga la beki Yasser Ibrahim dakika ya 13, kabla ya Mohamed Taher kuisawazishia Ahly dakika ya 90 na hakukuwa na bao katika dakika 30 za nyongeza hadi mikwaju ya penalti ilipoamua mshindi.
    Katika mikwaju ya penalti, kila timu ilipata tano zote za mwanzo, Ali Maaloul, Badr Benoun, Percy Tau, Ahmed Radwan na Taher wakiifungia Ahly na Mohamed Azrida, Zakaria El Wardi, Marouane Hadhoudi, Mahmoud Benhalib na Nahodha, Mohsine Mouataouali wakiifungia Raja.
    Kwenye ‘Penalti za Kifo’ Akram Tawfik alifunga ya Ahly, lakini Madkour akapaisha ya Raja, mabingwa wa Kombe la Shirikisho na kuibua shangwe kwa mashabiki waliosafiri kutoka Misri.
    • Blogger Comments
    • Facebook Comments

    0 maoni:

    Item Reviewed: AL AHLY WATWAA SÚPER CUP KIMAAJABU Rating: 5 Reviewed By: Mahmoud Bin Zubeiry
    Scroll to Top