• HABARI MPYA

    Wednesday, December 06, 2017

    NJOMBE MJI YASAJILI WAWILI WA MTIBWA SUGAR, YATAKA WENGINE WAWILI KWA MKOPO YANGA

    Na Princess Asia, NJOMBE 
    TIMU ya Njombe Mji FC imeimarisha kikosi chake kwa ajili ya Ligi Kuu ya Vodacom Tanzania Bara kwa kusajili wachezaji wawili chipukizi kwa mkopo, beki Nickson Kibabage na kiungo Muhsin Malima kutoka Mtibwa Sugar ya Morogoro. 
    Kocha wa Njombe Mji FC, Mlage Kabange ameiambia Bin Zubeiry Sports – Online leo kwamba wamekwishamalizana na Mtibwa Sugar kuhusu wachezaji hao na tayari wameanza safari kuelekea Njombe.
    “Wako njiani wanakuja (Kibabage na Malima) baada ya sisi kumalizana na klabu yao (Mtibwa Sugar). Ni vijana wadogo ambao tunatarajia wataisaidia sana timu katika mechi zijazo za Ligi Kuu,”amesema Kabange winga wa zamani wa Simba SC ya Dar es Salaam.
    Muhsin Malima alikuwemo kwenye kikosi cha Serengeti Boys kilichoshiriki Fainali za AFCON U-17 Mei mwaka huu nchini Gabon

    Wote, Kibabage na Malima walikuwemo kwenye kikosi cha timu ya taifa ya Tanzania chini ya umri wa miaka 17, Serengeti Boys kilichoshiriki Fainali za Kombe la Mataifa ya Afrika (AFCON U-17) Mei mwaka huu nchini Gabon.
    Pamoja na wawili hao wa kutoka Mtibwa Sugar, Kabange pia amesema bado wanasubiri majibu kutoka klabu ya Yanga juu ya maombi ya kuwachukua kwa mkopo pia, kiungo Yussuf Mhilu na mshambuliaji Matheo Anthiny Simon.
    “Tumewaandikia barua Yanga kuwaomba watupe wachezaji wawili kwa mkopo, Yussuf Mhilu na Matheo, lakini bado hawajatujibu, hivyo bado tunasubiria majibu yao,”amesema. 
    • Blogger Comments
    • Facebook Comments

    0 comments:

    Item Reviewed: NJOMBE MJI YASAJILI WAWILI WA MTIBWA SUGAR, YATAKA WENGINE WAWILI KWA MKOPO YANGA Rating: 5 Reviewed By: Bin Zubeiry Sports - Online

    PATA HABARI POPOTE ULIPO. ZIKITUFIKIA ZITAKUFIKIA

    Scroll to Top