• HABARI MPYA

    Friday, January 06, 2017

    WINGA MPYA MGHANA WA AZAM AAHIDI KUWAFANYA VIBAYA YANGA KESHO

    Na Mwandishi Wetu, ZANZIBAR
    WINGA mpya wa Azam FC, Enock Atta Agyei, amepanga kuwashangaza mashabiki wa timu hiyo kwenye mchezo wa keshokutwa Jumamosi dhidi ya Yanga.
    Mchezo huo wa mwisho wa Kundi B la michuano ya Kombe la Mapinduzi unatarajia kufanyika kwenye Uwanja wa Amaan, Zanzibar saa 2.15 usiku.
    Agyei ambaye anakipaji cha hali ya juu cha kuuchezea mpira, ameshafanikiwa kuichezea Azam FC mechi mbili za mashindano (Zimamoto, Jamhuri) tokea alipojiunga nayo msimu huu akitokea Medeama ya Ghana.
    Enock Atta Agyei amepania kuwashangaza mashabiki wa timu hiyo kwenye mchezo wa kesho Jumamosi dhidi ya Yanga

    Akizungumza mapema leo, nyota huyo aliyetimiza umri wa miaka 18 leo, alisema kuwa bado hajafanikiwa kucheza vema kama wengi walivyotarajia kwenye mechi mbili hizo alizocheza.
    “Ninawaahidi mashabiki wa Azam FC mambo mazuri, japo mchezo wangu wa kwanza na wa pili huku, sikucheza kama walivyotarajia, nazidi kuomba mambo yaende sawa kama inavyotakiwa, katika mechi ya Jumamosi (Yanga) ambayo tutacheza nitawashangaza, hicho nawaahidi,” alisema.
    Katika hatua nyingine, alifurahia kuongeza mwaka mmoja leo katika siku yake ya kuzaliwa huku akisema kuwa anafurahia sana kuwa ndani ya Azam FC.
    “Vilevile namshukuru Mungu kwa kuniongezea mwaka mmoja kwenye umri wangu, naomba utukufu na mambo mema yaendelee kunitokea ninayofuraha kujiunga na timu ya Azam,” alisema.
    Mara baada ya kutimiza umri wa miaka 18, ni rasmi sasa winga huyo wa kushoto ataruhusiwa kuichezea Azam FC kwenye mechi zijazo za Ligi Kuu ya Vodacom Tanzania Bara (VPL) kuanzia ile ya Mbeya City, itakayofanyika Uwanja wa Azam Complex mara baada ya kumalizika kwa michuano ya Kombe la Mapinduzi.
    • Blogger Comments
    • Facebook Comments

    0 comments:

    Post a Comment

    Note: Only a member of this blog may post a comment.

    Item Reviewed: WINGA MPYA MGHANA WA AZAM AAHIDI KUWAFANYA VIBAYA YANGA KESHO Rating: 5 Reviewed By: BIN ZUBEIRY SPORTS - ONLINE

    PATA HABARI POPOTE ULIPO. ZIKITUFIKIA ZITAKUFIKIA

    Scroll to Top