Tovuti Hii hutembelewa na zaidi ya watu 60,000 kila siku, kutangaza biashara yako na www.binzubeiry.co.tz,
Tuma maombi kwa barua pepe 4thebetter[at]gmail[dot]com.
  • HABARI MPYA

    Thursday, November 10, 2016

    TWIGA STARS YACHEZA LEO CAMEROON

    Na Mwandishi Wetu, DAR ES SALAAM
    TIMU ya taifa ya wanawake ya Tanzania, Twiga Stars inashuka dimbani mjini Younde leo kumenyana na wenyeji, Cameroon katika mchezo wa kirafiki wa kimataifa.
    Twiga Stars ilioondoka Dar es Salaam juzi na kikosi cha wachezaji 17 na viongozi sita kwa ndege ya Shirika la Ndege la Kenya (KQ) ikipitia Nairobi, Kenya.
    Ofisa Habari wa Shirikisho la Soka Tanzania (TFF), Alfred Lucas alisema jana kwamba Twiga Stars wapo huko kwa mwaliko wa wenyeji wao, Cameroon ambao ni waandaaji wa fainali za Kombe la Mataifa ya Afrika kwa wanawake mwaka 2016.
    Lucas alisema Cameroon ambao wameamua kuipa heshima Tanzania na kuona kuwa timu hiyo ina ubora  na kwamba inafaa kuipimana ubavu kabla ya kuanza kwa fainali hizo Novemba 19, mwaka huu.
    Twiga Stars ambayo sehemu kubwa ya kikosi hicho kinaundwa na wachezaji wa timu ya taifa ya Wanawake ya Tanzania Bara yaani Kilimanjaro Queens ina rekodi nzuri ya kuwa kinara wa viwango vya ubora kwa nchi za Afrika Mashariki na kati lakini zaidi ni mabinga wapya wa ukanda huo – ubingwa uliopatikana Septemba, mwaka huu huko Uganda.
    Rekodi hizo zimesukuma Shirikisho la Mpira wa Miguu la Cameroon (FECAFOOT) – nyumbani kwa Rais wa CAF, Issa Hayatou kuikubali Twiga Stars na hivyo kuomba kucheza nayo mwishoni mwa wiki hii. Twiga Stars iko chini chini ya Makocha Sebastian Nkoma na Wasaidizi wake Edna Lema na El Uterry Mohrery.
    Kikosi cha Twiga Stars wamo makipa, Fatma Omari na Najiat Abbas; mabeki ni Wema Richard, Sophia Mwasikili, Anastasia Katunzi, Maimuna Hamisi, Fatuma Issa, Happiness Mwaipaja na Mary Masatu wakati viungo ni Donisia Minja, Stumai Abdallah, Amina Ally, Anna Mwaisura na Fadila Kigarawa ilhali washambuliaji ni Fatuma Swalehe, Asha Rashid na Mwanahamisi Omari.
    • Blogger Comments
    • Facebook Comments

    0 comments:

    Post a Comment

    Note: Only a member of this blog may post a comment.

    Item Reviewed: TWIGA STARS YACHEZA LEO CAMEROON Rating: 5 Reviewed By: BIN ZUBEIRY SPORTS - ONLINE

    PATA HABARI POPOTE ULIPO. ZIKITUFIKIA ZITAKUFIKIA

    Scroll to Top