Tovuti Hii hutembelewa na zaidi ya watu 60,000 kila siku, kutangaza biashara yako na www.binzubeiry.co.tz,
Tuma maombi kwa barua pepe 4thebetter[at]gmail[dot]com.
  • HABARI MPYA

    Monday, November 07, 2016

    SAMATTA KUWASILI DAR JUMATANO KUJIUNGA NA STARS

    Na Mwandishi Wetu, DAR ES SALAAM 
    NAHODHA wa timu ya soka ya taifa ya Tanzania, Mbwana Ally Samatta anatarajiwa kuwasili Dar es Salaam Jumatano kujiunga na kikosi cha timu hiyo kwa ajili yaa mchezo wa kirafiki dhidi ya Zimbabwe mwishoni mwa wiki.
    Akizungumza na BIN ZUBEIRY SPORTS - ONLINE jana, Samatta alisema kwamba anaondoka leo Genk, Ubelgiji kupitia Dubai ambako atalala siku mbili kabla ya kuunganisha safari ya kuja Dar es Salaam.
    Samatta ameendelea kuonyesha umuhimu wa kuichezea Taifa Stars kwa kuitikia wito wa kocha Charles Boniface Mkwasa licha ya kuwa na majukumu mazito katika klabu yake.
    Mbwana Samatta (kushoto) anatarajiwa kuwasili Dar es Salaam Jumatano kujiunga na Taifa Stars

    Wachezaji 24 walioitwa na Mkwasa kwa ajili ya mchezo huo wa Novemba 13 mjini Harare, wataingia kambini Novemba 7, mwaka huu.
    Nyota wa Stars walioitwa na Mkwasa ni makipa; Deogratius Munishi ‘Dida’ wa Yanga, Said Kipao wa JKT Ruvu na Aishi Manula wa Azam FC.
    Mabeki; Erasto Nyoni, David Mwantika wa Azam FC, Michael Aidan wa JKT Ruvu, Mwinyi Hajji, Vincent Andrew wa Yanga, Mohammed Hussein ‘Tshabalala’ wa Simba SC na James Josephat wa Prisons.
    Viungo wa kati ni Himid Mao wa Azam FC, Mohammed ‘Mo’ Ibrahim, Jonas Mkude na Muzamil Yassin wa Simba SC, wakati viungo wa pembeni ni Abdulrahman Mussa wa Ruvu Shooting, Shizza Kichuya, Jamal Mnyate wa Simba SC na Simon Msuva wa Yanga.
    Washambuliaji ni Ibrahim Hajib wa Simba SC, John Bocco wa Azam FC, Elius Maguli wa Oman Club, Thomas Ulimwengu aliyemaliza mkataba wake TP Mazembe ya DRC na kundoka mwezi uliopita, Omar Mponda wa Ndanda FC na Nahodha Mbwana Samatta wa K.R.C Genk ya Ubelgiji.
    • Blogger Comments
    • Facebook Comments

    0 comments:

    Post a Comment

    Note: Only a member of this blog may post a comment.

    Item Reviewed: SAMATTA KUWASILI DAR JUMATANO KUJIUNGA NA STARS Rating: 5 Reviewed By: BIN ZUBEIRY SPORTS - ONLINE

    PATA HABARI POPOTE ULIPO. ZIKITUFIKIA ZITAKUFIKIA

    Scroll to Top