Tovuti Hii hutembelewa na zaidi ya watu 60,000 kila siku, kutangaza biashara yako na www.binzubeiry.co.tz,
Tuma maombi kwa barua pepe 4thebetter[at]gmail[dot]com.
  • HABARI MPYA

    Friday, September 02, 2016

    BEKI LA MEDEAMA LAANZA KAZI KWA KISHINDO AZAM FC

    Na Mwandishi Wetu, DAR ES SALAAM
    BEKI mpya wa Klabu Bingwa ya Afrika Mashariki na Kati Azam FC, Daniel Amoah, leo Ijumaa ameanza rasmi mazoezi akijiweka sawa na mechi zijazo za timu hiyo.
    Amoah aliyesajiliwa mwanzoni mwa mwezi huu akitoka Medeama ya Ghana, aliwasili nchini Jumanne iliyopita mara baada ya kuweka mambo yote sawa nchini kwao huko.
    Beki huyo katika majukumu ndani ya timu yake hiyo mpya, atakuwa akitumia jezi namba tatu mgongoni iliyokuwa ikitumiwa na kipa Ivo Mapunda aliyesitishiwa mkataba mwishoni mwa msimu uliopita.
    Amoah (kushoto) akijifua na Salum Abubakar 'Sure Boy' leo
    Kuwasili kwa Amoah kunazidi kukiimarisha kikosi cha Azam FC katika idara ya ulinzi hasa baada ya kutokuwa kikosini kwa mabeki wa kati Aggrey Morris na Pascal Wawa, ambao wako kwenye programu ya mwisho ya kutibu majeraha yao ya goti.
    Moja ya sifa kubwa za Amoah ni uwezo kukabiliana na washambuliaji wasumbufu akitumia akili na nguvu, ambapo ni mmoja wa wachezaji waliochangia mafanikio ya Medeama kutinga hatua ya robo fainali ya Kombe la Shirikisho mwaka huu.
    Beki huyo, 18, pia ana uwezo wa kufunga mabao ambapo mpaka sasa ameifungia mabao matatu Medeama, kwenye Ligi Kuu ya Ghana akifunga mawili na moja katika Kombe la Shirikisho.
    • Blogger Comments
    • Facebook Comments

    0 comments:

    Post a Comment

    Note: Only a member of this blog may post a comment.

    Item Reviewed: BEKI LA MEDEAMA LAANZA KAZI KWA KISHINDO AZAM FC Rating: 5 Reviewed By: BIN ZUBEIRY SPORTS - ONLINE

    PATA HABARI POPOTE ULIPO. ZIKITUFIKIA ZITAKUFIKIA

    Scroll to Top