Tovuti Hii hutembelewa na zaidi ya watu 60,000 kila siku, kutangaza biashara yako na www.binzubeiry.co.tz,
Tuma maombi kwa barua pepe 4thebetter[at]gmail[dot]com.
  • HABARI MPYA

    Friday, May 06, 2016

    MBEYA CITY WANOGEWA NA POINTI ZA DEZO, SASA WATAKA NA COASTAL

    Na Doreen Favel, MBEYA
    MWENYEKITI wa Mbeya City FC, Mussa Mapunda amelipongeza shirikisho la  soka Tanzania  TFF kwa hatua yake ya kuipoka  pointi 3 timu ya Azam Fc na  kuziweka kwa timu yake  kufutia  makosa yaliyofanywa na timu hiyo ya  Chamazi Complex  kumchezesha mchezaji Erasto Nyoni aliyekuwa na zuio la kadi tatu za njano.
    Mapunda amesema kwamba kwa kosa hilo City ilistahili kupata pointi hizo tatu kama ambavyo kanuni za ligi zinavyoelekeza na kutoa  angalizo kwa vilabu vyote vinavyoshiriki ligi kuu Tanzania  bara kuongeza umakini katika  kutunza  kumbukumbu  za adhabu  au makosa mbalimbali kwa wachezaji wake.
    Mbeya City wanataka wapewe pia pointi tatu za Coastal Union

    “Kwenye hili nalipongeza shirikisho, hakika wametenda haki, na ninawaomba  waendelee kusimama kwenye misingi ya haki, ni haki yetu kupata pointi 3 baada ya Azam fc kuchezesha mchezaji mwenye adhabu ya kadi 3 ambaye ni wazi hakustahili kucheza mchezo ule, hata sisi tumekutana na hali hii katika nyakati tofauti lakini hatukuwahi kuthubutu kumchezesha mchezaji  mwenye adhabu  hata kama alikuwa ni muhimu kikosini” alisema.
    Akiendelea zaidi Mwenyekiti Mapunda alisisitiza vilabu kuwa makini na matukio ya aina hii  huku pia  akiikumbusha TFF kuendele kuchukua hatua kama hizi.
    Katika hatua nyingine  Mapunda amesema kuwa  bado anaamini TFF itaitendea haki City kwa kuchukua hatua kama hizi kwenye mchezo dhidi ya Coastal Union uliovunjika dakika mwisho za kipindi cha pili baada ya kutokea kwa vurugu kubwa  uwanjani zilizosababishwa  na mashabiki wa timu hiyo ya Tanga.
    “Naamini TFF watatutendea haki kwenye hili pia, mchezo ule ulikuwa na matukio mengi ya ajabu ambayo yalimfanya mwamuzi kushindwa kumaliza mchezo, risasi za moto zilipigwa  uwanjani, sisi bado tunasubiri pointi tatu zingine kutoka kwenye mchezo ule, kwa sababu mnyonge mnyongeni  haki yake mpeni”, alimaliza.
    • Blogger Comments
    • Facebook Comments

    0 comments:

    Post a Comment

    Note: Only a member of this blog may post a comment.

    Item Reviewed: MBEYA CITY WANOGEWA NA POINTI ZA DEZO, SASA WATAKA NA COASTAL Rating: 5 Reviewed By: BIN ZUBEIRY SPORTS - ONLINE

    PATA HABARI POPOTE ULIPO. ZIKITUFIKIA ZITAKUFIKIA

    Scroll to Top