HABARI MOTOMOTO

HABARI ZA NYUMBANI

HABARI ZA KIMATAIFA

HABARI ZA AFRIKA

MAKALA

SANAA NA BURUDANI

NGAO YA JAMII ENGLAND

SUPER CUP YA UJERUMANI

Style28

BUFFON AOKOA PENALTI TATU IKIWEMO YA FORLAN KUIPA ITALIA USHINDI WA TATU KOMBE MABARA

IMEWEKWA JUNI 30, 2013 SAA 5:55 USIKU
KIPA Gianluigi Buffon amekuwa shujaa wa Italia usiku huu baada ya kuokoa michomo mitatu ya penalti na kuiwezesha The Azzurri kutwaa nafasi ya tatu katika Kombe la Mabara baada ya kuifunga Uruguay kwa penalti 3-2.
Timu hizo zilitoka sare ya 2-2 baada ya dakika 120 huku Italia wakitengeneza nafasi nyingi zaidi za kufunga.
Davide Astori aliwafungia Wataliano bao la kuongoza dakika ya 25 kabla ya Edinson Cavani kusawazisha dakika ya 58. 
Hero: Gianluigi Buffon saved three penalties in the shoot-out to win Italy the match
Shujaa: Gianluigi Buffon ameokoa penalti tatu
Alessandro Diamanti akaifungia bao la Italia dakika ya 73, kabla ya Cavani kusawazisha tena 78 na mchezo kuhakia katika muda wa nyongeza, ambako ilishuhudiwa Riccardo Montolivo akitolewa nje kwa kadi nyekundu baada ya kuonyeshwa kadi ya pili ya njano.
Kisha Buffon akaokoa mikwaju ya Diego Forlan, Martin Caceres na Walter Gargano kuipa ushindi Italia.
Alberto Aquilani, Cavani, Stephan El Shaarawy na Suarez wote walifunga kabla ya Mattia De Sciglio kukosa.
Caceres akakosa na Emanuele Giaccherini akafunga kabla ya Buffon kuokoa mkwaju wa Gargano.
Kikosi cha Italia kilikuwa: Buffon, Maggio, Chiellini, Astori/Bonucci dk96, De Sciglio, Candreva, De Rossi/Aquilani dk70, Montolivo, Diamanti/Giaccherini dk82, Gilardino na El Shaarawy.
Uruguay: Muslera, Caceres, Lugano, Maxi Pereira/Pereira dk81, Godin, Gargano, Rodriguez/Gonzalez dk56, Arevalo Rios/Perez dk106, Forlan, Suarez na Cavani.Third place: Italy won the third-place after an entertaining match with Uruguay
Washindi wa tatu: Italia wakisherehekea kuifunga Uruguay
No 1: Buffon saves from Forlan
Namba 1: Buffon akiokoa penalti ya kwanza ya Uruguay iliyopigwa na Diego Forlan
And again: He then saved the effort from Walter Gargano
Na tena: Kisha akaokoa ya Walter Gargano

THIAGO SASA HUENDA AKAOTA MBAWA MAN UNITED, ASEMA; "NAIPENDA BARCELONA"

IMEWEKWA JUNI 30, 2013 SAA 4:16 USIKU
KLABU ya Barcelona ilifanya mazungumzo na mchezaji anayetakiwa na Manchester United, Thiago Alcantara wiki iliyopita katika jitihada za kumzuia asitimkie Old Trafford na kutoka na alichoandika hivi sasa katika ukurasa wake wa - Tweeter kuna wasiwasi.
Akiwa ametulia kwenye bwawa la kuogelea na kaka yake, Rafinha ambaye ameongeza Mkataba wa kazi Nou Camp kwa miaka miwili zaidi hadi mwaka 2016 mapema wiki hii, Thiago alitweet: "Naipenda Barcelona,".
Mabingwa hao wa Ligi Kuu England waliaminika kufikia makubaliano juu ya maslahi binafsi, ikiwemo mshahara wa Pauni Milioni 5.5 kwa mwaka na mchezaji huyo mwenye umri wa miaka 22 na wakatumai kumnunua kwa Pauni Milioni 17.
Affection: Thiago Alcantara (left) posted this snap with brother Rafinha and the caption 'I love Barcelona'
Utata: Thiago Alcantara (kushoto) ameposti picha akiwa na Rafinha na maelezo chini;  "Naipenda Barcelona"
Champion: Thiago shot to worldwide recognition by scoring a hat-trick in the Euro U21 final against Italy
Bingwa: Thiago aliiwezesha Hispania kutwaa Kombe la Euro kwa vijana chini ya umri wa miaka 21, akifunga mabao matatu peke yake dhidi ya Italia katika fainali

PELLE ATAMBULISHWA MAN CITY..HIYO MIKOGO YAKE MBONA MANCHESTER PATACHIMBIKA

IMEWEKWA JUNI 30, 2013 SAA 4:00 USIKU
KOCHA mpya wa Manchester City, Manuel Pellegrini amewasili England tayari kurithi rasmi mikoba ya Roberto Mancini Uwanja wa Etihad.
Raia huyo wa Chile alitumia muda fulani kushangaa shangaa maeneo ya Jiji la Manchester na kuchukua suti iliyo sawa yake katika duka la Hugo Boss kabla ya kutambulishwa na kukabidhiwa jezi ya bluu.
Alikuwa na wasaidizi wake akiwemo Ruben Cousillas na kocha wa ufiti, Jose Cabello.
Touchdown in England: Manuel Pellegrini showing off the Manchester City shirt for the first time
Ametua England: Manuel Pellegrini akionyesha jezi ya Manchester City kwa mara ya kwanza
New horizons: Pellegrini arriving at Manchester Airport with some of his backroom staff
Pellegrini akiwasili Uwanja wa Ndege wa Manchester na wasaidizi wake
Calling a cab: Pellegrini getting around Manchester using his good English
Akiita teksi: Pellegrini katika jiji la Manchester akizungumza kiingereza kizuri

Mwalimu huyo mwenye umri wa miaka 59, amejiunga na timu hiyo kutoka Malaga, na anatakiwa haraka kuhakikisha timu inafanya vizuri ili kuwafurahisha mashabiki na watu wa klabu hiyo.
Mpinzani wake mpya Manchester, David Moyes, anaanza kazi kesho United na Pellegrini atatazamiwa kumpiga bao kuanzia katika usajili.
City tayari imepigwa bao na Real Madrid katika saini ya kijana wa zamani wa Pellegrini, Isco, ambaye aling'ara katika Kombe la Euro kwa vijana chini ya umri wa miaka 21 nchini Israel akiwa na Hispania iliyotwaa ubingwa.
First greetings: Pellegrini meeting a delegation from Manchester City in the early hours of Sunday morning
Salamu ya kwanza: Pellegrini alikutana na msafara kutoka Manchester City katika saa zake za mwanzoni asubuhi
Suits you! It appears City will lose none of Mancini's taste in nice outfits
Suti yako! akiangalia suti

HANS POPPE: KASEJA ALITURINGIA SANA, NA AMECHUMA UTAJIRI WA KUTOSHA SIMBA SC

Ukitaka kuua nyani?; Hans Poppe kulia, Kaseja kushoto.
Na Mahmoud Zubeiry, IMEWEKWA JUNI 30, 2013 SAA 3:19 ASUBUHI
MWENYEKITI wa Kamati ya Usajili ya Simba SC, Zacharia Hans Poppe amesema kwamba Juma Kaseja hakutaka kukutana na uongozi wa klabu hiyo kujadiliana juu ya mustakabali wake, licha ya kuitwa kwa miezi miwili na ndiyo maana wakaamua kuachana naye.
Akizungumza na BIN ZUBEIRY asubuhi ya leo, Kapteni huyo wa zamani wa Jeshi la Wananchi Tanzania (JWTZ), Poppe amesema kwamba tangu Mei wamekuwa wakimuita Kaseja kwa ajili ya mazungumzo juu ya mustakabali wake katika klabu hiyo, lakini amekuwa akipiga chenga.
Poppe alisema mara ya mwisho kukutana ana kwa ana na Kaseja ni wakati wakiwa Morocco na timu ya taifa, Taifa Stars kwa ajili ya mchezo dhidi ya wenyeji kuwania tiketi ya kucheza Fainali za Kombe la Dunia mapema mwezi huu.
“Nilipokutana naye, nikamuambia sisi bado tuna nia ya kuendelea na wewe, je wewe msimamo wako ni upi? Akasema hawezi kujibu kwa sababu ana majukumu ya timu ya taifa, akimaliza atajibu. Nikamuambia sawa, wewe maliza na ukiwa tayari njoo ofisini tuzungumze.
Amemaliza mechi na Morocco, wamerudi hapa, amecheza mechi na Ivory Coast amemaliza na wiki zaidi ya mbili zimepita hajaja. Sisi tukaona huyu mtu kwa kuwa amemaliza Mkataba wake hapa na tunamuita haji, anaweza kuwa na mipango yake mingine, tumuache aendelee nayo,”alisema Poppe.
Alipoulizwa kuhusu kuachwa kwa sababu ameshuka kiwango, Poppe alisema; “Ni kweli kama utaona udakaji wake wa sasa, ameshuka mno kiwango na hilo linatupa wakati mgumu sana mbele ya mashabiki. Na kama utakumbuka Morogoro walitaka kumpiga.
Sasa ukitazama kwa mfano lile bao la kwanza alilofungwa katika mechi na Yanga, lilikuwa bao rahisi sana. Ule mpira ulipita mbele yake ukaenda kupigwa kichwa (na Didier Kavumbangu). Sasa ile kwa kweli imewaudhi sana watu,”.
“Lakini pamoja na yote, tulitaka tuzungumze naye mwenyewe, tujadiliane juu ya hali halisi, ikibidi hata kumsainisha Mkataba na kumpa fedha anazotaka, kisha tumpe mapumziko ya muda fulani, ili awe fiti arudi kazini. Lakini hakutupa fursa hiyo. Tungefanya nini?,”alihoji Hans Poppe.
Askari huyo wa zamani amesema kwamba Kaseja kama angejitambua yeye ni gwiji wa klabu, asingethubutu kupiga chenga kikao na uongozi, hususan katika kipindi hiki kigumu ambacho klabu inahitaji kujipanga upya baada ya msimu mbovu uliopita ikipoteza taji la ubingwa wa Ligi Kuu.
“Mwisho kabisa, tukaamua kumteua mtu maalumu wa kuzungumza naye, Evans Aveva. Aveva kila akimpigia simu Kaseja, anatoa udhuru, mara yuko Kigoma, mara yupo Korogwe, sasa mtu kama huyu sisi tungefanya nini?”alihoji tena Poppe.
"Na pia huyu mtu kama maslahi katika klabu hii amepata makubwa kwa sababu alikuwa anathaminiwa mno. Juma Kaseja ni kati ya wachezaji ambao watastaafu soka vizuri tu. Amevuna fedha nyingi sana hapa. Wakati wote yeye alikuwa mchezaji anayelipwa zaidi kwa upande wa wazawa. Na unapofika wakati wa usajili, alikuwa anapiga hela ndefu sana hapa,"alisema Poppe. 
Historia ya Kaseja na Simba SC imefikia tamati mapema wiki hii, baada ya klabu kuamua kutomuongezea Mkataba kipa huyo iliyemsajili mwaka 2003 kutoka Moro United ya Morogoro.
Kaseja amekaririwa na gazeti la Serikali, Habari Leo akisema kwamba atawaaumbua viongozi wa Simba SC kwa kuanika kila kitu baada ya kutemwa. Lakini anapotafutwa na vyombo vingine vya habari, amekuwa akikataa kuzungumzia sakata hilo.

WACHEZAJI TAIFA STARS CHUPUCHUPU KUTAPELIWA KWA TAMAA YA KUCHEZA ULAYA

Mngetapeliwa; Kutoka kulia, Athumani Iddi 'Chuji',Amri Kiemba na Nadir Haroub 'Cananvaro', wachezaji wa Taifa Stars wanaocheza nyumbani, ambao wote wana kiu ya kucheza Ulaya
Na Mahmoud Zubeiry, IMEWEKWA JUNI 30, 2013 SAA 2:31 ASUBUHI
UTAPELI umedunda! Shirikisho la Soka Tanzania (TFF) limeshitukia utapeliwa uliotakwa kufanywa na watu wanaojifanya mawakala wa wachezaji kwa gia ya kutaka kuwatafutia wachezaji nchini timu za kuchezea Ulaya.
Wiki iliyopita, TFF ilitoa taarifa za klabu ya Thai Port Football ya Thailand kutafuta wachezaji nchini Tanzania kwa ajili ya kucheza soka nchini humo na katika nchi nyingine barani Ulaya.
Taarifa hiyo ya TFF ilisema, kupitia kwa wakala wake, klabu hiyo imetuma taarifa TFF ikitaka wachezaji wenye umri kuanzia miaka 15 hadi 28 kwa ajili ya kuwafanyia majaribio ambapo watakaofuzu watacheza nchini humo na katika klabu nyingine za Ulaya ambazo wana ushirikiano nazo.
Taarifa hiyo iliwataka wachezaji wenye nia ya kufanya majaribio kutuma taarifa za wasifu wao (CV) kwa klabu hiyo kwa njia ya emaili, wawe na pasi ya kusafiria pamoja na pasi ya mchezaji (player passport).
Eti baadaye wakala atapitia vitu hivyo, na kwa wachezaji atakaowahitaji atawatumia tiketi za ndege na viza kwa ajili ya kwenda kufanya majaribio nchini humo, na watakaofanikiwa kabla ya kusaini nao mikataba watawasiliana na klabu zao nchini (kwa wale wenye klabu).
Katika mahojiano na BIN ZUBEIRY juzi ofisini kwake, Ilala, Dar es Salaam, Ofisa Habari wa TFF, Boniface Wambura alisema kwamba wametilia shaka dili hilo baada ya uchunguzi wa awali walioufanya.
“Tuliwasiliana na FA (chama cha soka) cha Thailand, wakasema hiyo klabu ipo, lakini haina mpango huo. Zile anuania walizotumia jamaa ni za klabu ile. Na namba za simu ukipiga wanapokea mnazungumza, lakini kumbe wao waliingilia mfumo wa mawasiliano wa ile klabu na kuuteka ili kuutumia kutapeli.
“Kwa hivyo tumesitisha hilo zoezi kwanza, ili tuendelee na uchunguzi zaidi, ila wachezaji walikwishajitokeza na kutuma maombi, ila tunasikitika mmoja tu ndiye alikamilisha taratibu zote,”alisema Wambura.
Wambura alisema kilichowatia wasiwasi TFF hadi kuamua kufanya uchunguzi ni masharti yaliyotolewa, yakimtaka mwombaji nafasi kwanza alipe ada ya kujisajili, ambayo ni dola za Kimarekani 486 (zaidi ya Sh. 700,000 za Tanzania) 486 na baadaye tena atatakiwa kulipa dola 1,000 (zaidi ya Sh. Milioni 1,600,000) ndipo anatumiwa tiketi. 
“Ina maana mtu angetoa kiasi cha dola 2,000 (zaidi ya Sh. Milioni 3, 200,000) kwanza ndio atumiwe tiketi na hatudhani kama angetumiwa tiketi. Na kwa uzoefu wetu juu ya masuala haya namna ambavyo wachezaji wanaletewa mialiko ya kwenda nje, hii ilitutia shaka mapema,”alisema.
Matokeo ya hivi karibuni ya timu ya soka ya taifa ya Tanzania, Taifa Stars katika mechi za Kundi C kuwanai tiketi ya kucheza Fainali za Kombe la Dunia yanaonyesha soka ya nchini imekuwa, lakini wachezaji wanaangushwa na uzoefu wa kutocheza Ulaya.
Na wachezaji wa Tanzania sasa wana hamu ya kucheza Ulaya ili kunufaika kimaslahi na pia kukuza viwango vyao- inaonekana wajanja wanataka kutumia udhaifu huu kutapeli vijana nchini hivi sasa. 

MASWAHIBA WA PELE, AZAM AKADEMI WAENDA KUTETEA TAJI ARUSHA WAKIWA KAMILI

Maswahiba wa Pele; Azam Akademi wakiwa na Pele alipowatembelea Chamazi mwaka jana
Na Prince Akbar, IMEWEKWA JUNI 30, 2013 SAA 2:25 ASUBUHI
MABINGWA watetezi wa Kombe la Rollingstone, michuano ya kila mwaka mjini Arusha, Azam Akademi wanatarajiwa kuondoka wiki ijayo kwenda mjini humo tayari kutetea taji lao.
Ofisa Habari wa Azam FC, Jaffar Iddi Maganga ameiambia BIN ZUBEIRY jana kwamba, Akademi wamekuwa kwenye mazoezi makali chini ya makocha wao, Vivek Nagul, Iddi Cheche na Philipo Alando kujiandaa na michuano hiyo.
Amesema maandalizi ya vijana yamekuwa ya muda mrefu na sasa wako fiti kwenda kuendeleza utemi wao katika michuano hiyo maarufu zaidi ya vijana nchini kwa ukanda huu wa Afrika Mashariki na Kati.
“Kama unavyojua hii ni akademi, vijana muda wote wanakuwa chuoni wakipata mafunzo mbalimbali, wanahudumiwa vizuri na wanafanya mazoezi kila siku asubuhi na jioni kwenye Uwanja wetu wa Azam Complex, Chamazi. Hivyo nakuhakikishia wako fiti na tayari kabisa,”alisema.
Akademi ya Azam inatarajiwa kuwa moja ya vyanzo vikuu vya nyota wa soka nchini baadaye na hata Mwanasoka Bora wa zamani wa Afrika, Abedi Pele alipotembelea akademi hiyo mwaka jana aliitabiria makubwa.
Pele, aliyeongozana na Rais wa Shirikisho la Soka Tanzania (TFF), Leodegar Chilla Tenga Chamazi, alisema akademi hiyo ni bora kuliko nyingi za Ulaya na akasema wakati utafika itakuwa inapeleka wachezaji Ulaya. 

PELLEGRINI SASA ATAKA KUMSAJILI FRED WA BRAZIL NA CARDOZO WA BENFICA KUTENGENEZA PACHA JIPYA HATARI LA USHAMBULIAJI MAN CITY

IMEWEKWA JUNI 30, 2013 SAA 1:00 ASUBUHI
KOCHA wa Manchester City, Manuel Pellegrini amehamishia mawindo yake kwa washambuliaji Mbrazil, Fred na Oscar Cardozo wa Benfica, baada ya kuamua kuachana na Edinson Cavani aliyekuwa anatakiwa na kocha aliyemtangulia, Roberto Mancini aliyetimuliwa.
Pellegrini, ambaye amepewa kauli ya mwisho kuhusu usajili katika klabu hiyo licha ya kuwepo kwa Mkurugenzi wa Soka, Txiki Begiristain, hataki City ibomoe benki kwa ajili ya Cavani, baada ya klabu yake, Napoli kukataa ofa iliyotolewa ya Pauni Milioni 54. 
Premier player: Brazil's Fred (left) is a target for Manchester City
Mchezaji Mkuu: Fred wa Brazil (kushoto) anatakiwa Manchester City
City bound: Oscar Cardozo could be a ready replacement for Carlos Tevez
Anayewatoa udenda City: Oscar Cardozo anaweza kuchukua nafasi ya Carlos Tevez
 
Mshambuliaji wa Fluminense, Fred, ambaye ataiongoza nchi yake leo katika Fainali ya Kombe la Mabara dhidi ya Hispania, kwa sasa anatabirwa kwenda kuziba pengo la Carlos Tevez, aliyejiunga na Juventus wiki iliyopita. 
Fred, mwenye umri wa miaka 29, alifunga wakati Brazil inatoa sare ya 2-2 na England mapema mwezi huu na akafunga mabao mawili dhidi ya Italia katika michuano hii ya kupashia misuli moto Kombe la Dunia inayofikia tamati leo. 
Cardozo, mshambuliaji wa Montenegro, Stevan Jovetic na Stephan El Shaarawy, wa AC Milan, pia wametajwa kama wawania kurithi mikoba ya Tevez huku Pellegrini akitarajia kutengeneza alama yake katika klabu hiyo kabla hajaanza mazoezi ya kujiandaaa na msimu mpya. 
Kwa muda mrefu, Mancini alimfanya mshambuliaji wa Uruguay, Cavani chaguo la kwanza katika wachezaji anaowataka, lakini akafukuzwa City siku kadhaa baada ya kufungwa kwenye Fainali ya Kombe la FA na Wigan mwezi uliopita.
Pellegrini, ambaye aliiongoza Malaga kutinga Robo Fainali za Ligi ya Mabingwa Ulaya msimu uliopita, anataka kuongeza mshambuliaji na na sentahafu, baada ya kukamilika kwa usajili wa winga wa Hispania, Jesus Navas na kiungo wa Brazil, Fernandinho. 
City inataka kukata Pauni Milioni 20 kumnunua beki wa kati wa Real Madrid, Pepe, ambaye atatengeneza ushirikiano mpya na Vincent Kompany.
Mpango wao wa sasa kutaka kumsajili Pepe ni pigo kubwa kwa beki wa sasa wa City, Joleon Lescott, ambaye anatarajia kuwa na mazungumzo na klabu hivi karibuni juu ya mustakabali wake.
Lescott, mwenye umri wa miaka 31, anataka uhakika wa namba katika kikosi cha kwanza, ili kulinda nafasi yake katika kikosi cha timu ya taifa ya England, kuelekea Fainali za Kombe la Dunia mwakani, Brazil.

KAMA HILO NDILO KOSA LA KASEJA, BASI RONALDO, ZIDANE WALIKOSEA KABLA YAKE, NA CHANONGO…

IMEWEKWA JUNI 30, 2013 SAA 11:42 ASUBUHI
HUWEZI kukwepa kuweka jina la Zamoyoni Mogella katika orodha ya wachezaji bora kuwahi kutokea Simba SC na ukifanya zoezi hilo kwa mahasimu wao wa jadi, Yanga SC huwezi kuliacha jina la Edibily Lunyamila.
Lakini wawili hao pamoja na kuwa na heshima ya ugwiji wa klabu zao, pia walichezea klabu zote mbili, yaani Simba na Yanga.
Mwaka 1992 wakati Lunyamila anaibuka, Mogella alikuwa anaelekea ukingoni kisoka tangu aanze kucheza miaka ya 1970 mjini Morogoro.
Mwishoni mwa mwaka 1992, Lunyamila aligombewa na Simba na Yanga akiwa Biashara ya Shinyanga na hatimaye akadondoka Jangwani. Lakini wakati huo, shujaa wa zamani wa Simba SC, Mogella alikuwa hana raha na mwenye fikra nyingi, kutokana na kuvurugwa na uongozi wa klabu yake wakati huo.

Baada ya msimu mzuri wa 1992, akiiwezesha Simba SC kutetea ubingwa wa Afrika Mashariki na Kati, kushika nafasi ya pili katika Ligi Kuu ya Bara na Muungano, Mogella alitupiwa virago mwishoni mwa msimu. 
Kweli, Mogella uwezo ulikuwa umefikia ukingoni baada ya kucheza kwa muda mrefu na kupumzika ulikuwa wakati mwafaka, lakini namna ambavyo aliachishwa soka hakuipenda.
Alikuwa anafurahi na mashabiki kila anapofunga. Watu walikuwa machizi kwa ajili yake. Waliimba kwa furaha na kutaja jina lake. Anawaachaje?
Msimu unaisha tu, anaambiwa kwaheri bila ya kupata fursa ya kuwapa mkono wa kwaheri mashabiki wake? Zile medali na mataji aliyoshinda vilikuwa vina thamani gani tena?
Kwa sababu hiyo Mogella aliamua kucheza kwa mwaka mmoja zaidi akiwa na jezi ya mahasimu, Yanga SC na huko alipata fursa ya kuwapungia mkono wa kwaheri mashabiki.
Simba SC kama wangempa fursa Mogella awapungie mkono wa kwaheri mashabiki kama walivyofanya Liverpool kwa Jamie Carragher mwishoni mwa msimu uliopita England, bila shaka leo Yanga SC isingetajwa kama klabu yake ya mwisho kuchezea, bali mambo yote yangeishia Msimbazi.
Lunyamila kadhalika, baada ya kuichezea Yanga tangu mwaka 1993, mwishoni mwa msimu wa 2002 alifanyiwa visa, vile vya akufukuzae, hakuambii toka. 
Aliambiwa asaini kwa fedha kidogo sana kwa kuwa uwezo wake umeshuka, naye akaona bora kutosaini na Yanga SC chini ya kiongozi aliyekuwa na misimamo mikali, Tarimba Abbas ikamuonyesha milango ya kutokea Jangwani, wa mbele na nyuma, achague.
Lunyamila akaenda kusaini Simba ambako alicheza kwa msimu mmoja zaidi, baadaye akaenda Mtibwa Sugar kabla ya kutungika daluga zake.
Kuna vitu vidogo sana Simba SC na Yanga SC wanakosea na ni lazima ufike wakati wabadilike. Mchezaji anapofikia kiwango cha kuitwa gwiji, basi huyo ni sehemu ya historia ya timu na lazima apewe heshima yake.
Lazima Simba na Yanga zijifunze kuwalisha mapenzi ya timu zao wachezaji wao baada ya kustaafu kwa kuwapa heshima zao. Sina hakika kama Mogella ni mwanachama wa Simba SC, lakini ninajua  ni mpenzi wa Simba.
Sina hakika kama Lunyamila ana kadi ya Yanga SC, lakini nafahamu ni mwana Yanga wa kulia kabisa timu inapofungwa.
Kulikuwa kuna ubaya gani, baada ya Mogella kumaliza muda wake wa kuitumikia Simba akaagwa na kukabidhiwa na kadi ya uanachama wa timu, kweli angethubutu kuhamia kwa wale wanaoitwa wapinzani wa jadi?  
Au kwa Yanga na Lunyamila, tofauti ya dau haikuzidi Sh. Milioni 1, ingekuwa vema ikatumika busara ya kuzungumza naye na kumfanya amalizie soka yake Jangwani, kisha aagwe vizuri na kupewa kadi ya uanachama. Hiyo ni heshima kubwa sana zaidi ya kumpa fedha.
Katika hii dunia pamoja na fedha, lakini mwisho wa siku utu na heshima ni zaidi. Na ukimuona mtu anauza utu na heshima yake kwa ajili ya fedha, jua huyo ni fedhuli mkubwa.
Wachezaji wetu, baada ya kuzitumikia klabu zetu, timu ya taifa kwa muda mrefu, wanachohitaji ni heshima- na hiyo ndiyo faraja kubwa.
Wakati bado hatujasahau mikasa ya Mogella, Lunyamila na wachezaji wengine, kuna jipya limejitokeza kuhusu aliyekuwa Nahodha wa Simba SC, Juma Kaseja.
Simba SC imeamua kutomuongezea Mkataba Kaseja, baada ya kuitumikia klabu hiyo tangu mwaka 2003, (ukiondoa mwaka mmoja 2009, alipokwenda kuchezea mahasimu, Yanga SC) aliposajiliwa kutoka Moro United, maana yake imemtema.
Basi. Simba na Kaseja historia imefungwa. Kirahisi tu hivi, Kaseja si mchezaji wa Simba SC tena. Saa ngapi kapata fursa ya kuagana na maelfu ya wapenzi wa Simba waliokuwa wakimshangilia wakati akipangua mikwaju ya penalti na kuipa mataji timu? Inauma.
Sababu iliyotajwa na Simba SC kuamua kutomuongezea Kaseja Mkataba ni kwamba uwezo wake umeshuka na sasa anafungwa kwa urahisi, ingawa hilo mimi siamini, bali nachoweza kukubali, kwa sasa baada ya kudaka mfululizo muda mrefu, amechoka na anahitaji kupumzika kidogo ili awe fiti tena.      
Pamoja na hayo, kama uongozi wa Simba SC umejiridhisha uwezo wa kipa huyo umeshuka, ulipaswa kuhakikisha unakutana naye kujadiliana naye na kumshauri juu ya namna ya kuondoka kwa heshima klabuni.
Hata kama Juma angekuwa anaamini bado anaweza kuendelea kucheza, Simba SC ingempa Mkataba wa si lazima acheze, ili uwezo wake ndiyo umpe nafasi kikosini. Kulikuwa kuna namna nzuri tu ya Juma na Simba kuachana zaidi ya hii iliyotumika. 
Hata kama kuondoka klabuni, angepewa nafasi ya kuitisha Mkutano na Waandishi wa Habari kutangaza mwenyewe kujiuzulu kwa nia nzuri kuichezea timu, ili akakabiliane na changamoto nyingine sehemu nyingine, hata iwe hapa nchini.
Watu wanaamini busara ya namna hii ilitumika hata katika mabadiliko ya Waziri Mkuu wa nchi katika serikali hii ya awamu nne chini ya Rais Jakaya Kikwete, kutoka Edward Lowassa hadi Mizengo Pinda. Lakini kwa mamlaka aliyonayo, JK angeweza mwenyewe kutangaza kumvua madaraka Lowassa.
Kitendo cha Juma kusoma kwenye vyombo vya habari kwamba hataongezewa Mkataba, kwa kweli kinaumiza na huu umekuwa utamaduni wa viongozi wetu kutowaheshimu kabisa wachezaji licha ya kuzipa klabu mataji na kuwapa furaha mashabiki kwa muda mrefu.
Kweli jamani uwezo wa mchezaji kushuka ni kosa la kutemwa ‘kiroho mbaya’ katika timu? Mchezaji gani duniani aliweza kudhibiti uwezo kushuka muda ulipofika na ingewezekana hivyo basi nyota kama Ronaldo Lima, Zinadine Zidane na Jay Jay Okocha tungeendelea kuwa nao uwanjani hadi leo.
Hili ni suala ambalo linamfika kila mchezaji wakati unapofika- na hata Haruna Chanongo ataisha tu, na tunamuonyesha nini kwa kumuacha Kaseja kwa staili hii? Jumapili njema.

NEYMAR: HATUIHOFII HISPANIA, INGAWA KWELI INAPEWA NAFASI YA KUTWAA KOMBE KESHO

IMEWEKWA JUNI 29, 2013, SAA 3:17 USIKU
NYOTA wa Brazil, Neymar anaamini Hispania inapewa nafasi kubwa ya kutwaa Kombe la Mabara katika Fainali itakayopigwa kesho, lakini amesema timu yake haiwahofii mabingwa hao wa Ulaya na Dunia.
Hispania inaingia kwenye fainali hiyo kesho, ikitazamiwa kushinda taji hilo kwa mara ya kwanza na kuendeleza mafanikio yao ya miaka ya karibuni katika soka, wakitwaa mfululizo mataji ya Euro na Kombe la Dunia.
Mafanikio hayo yameifanya La Roja ishike nafasi ya kwanza katika viwango vya soka duniani na licha ya kwamba Brazil inapewa nafasi kutokana na kucheza nyumbani, Neymar amesema kikosi cha Vicente Del Bosque ni tishio.
Neymar
Mazoezi yanajenga usahihi: Neymar (katikati), ambaye hivi karibuni amesaini Barcelona, akiwa na mpira mguuni mwake

Pamoja na hayo, mshambuliaji huyo ambaye atacheza Ligi Kuu ya Hispania msimu ujao baada ya kujiunga na Barcelona mapema majira haya ya joto, pia ana matumaini na timu yake inaweza kuweka rekodi ya kutwaa kwa mara ya tatu mfululizo Kombe la Mabara na mara ya nne kwa ujumla.
"Wao (Hispania) ni timu nzuri duniani na wanapewa na nafasi,"alisema mchezaji huyo mwenye umri wa miaka 21.
"Lazima tucheze soka bila woga. Tunacheza na timu bora duniani kwa sasa, lakini pia tuna wachezaji wazuri katika timu ya taifa ya Brazil,".
Jo and Scolari
Maelekezo: Kocha wa Brazil, Luiz Felipe Scolari (kulia) akizungumza na mshambuliaji wa zamani wa Everton na Man City, Jo

Kocha wa Brazil, Luiz Felipe Scolari amesema kikosi chake kina uwezo wa kuibwaga Hispania.
"Tunacheza na Hispania tukiheshimu ubora wao, lakini pia kujaribu kuonyesha uwezo wetu na vipaji,"alisema.
"Tumefika Fainali na tuna ubora wa kutosha kuwabwaga,".
Nchi hizo mbili zinakutana kwa mara ya kwanza tangu zitoke 0-0 katika mchezo wa kirafiki mjini Vigo mwaka 1999. Mara ya mwisho, Hispania ilipokutana na Brazil Uwanja wa Maracana walifungwa mabao 6-1 - mwaka 1950.
Brazil squad
Samba: (kutoka kushoto) Marcelo, Oscar, Fred, Neymar, David Luiz na Hulk katika mazoezi ya Brazil mjini Rio

Timu zote zimeonyesha ni timu mwaka huu katika Kombe la Mabara, Brazil ikishinda mechi zake zote nne hadi sasa, wakati Hispania walishinda mechi zao zote tatu za kundi lao, kabla ya kuing'oa kwa matuta Italia kwenye Nusu Fainali kali katikati ya wiki.
Andres Iniesta
Andres Iniesta ataiongoza Hispania kesho
Marcelo and Neymar
Wamemaliza siku yao: Nyota wa Real Madrid, Marcelo (kulia) akiburuza kipozeo baada ya mazoezi huku Neymar akimuangalia

MKENYA WANYAMA NI KAMA TAYARI YUPO LIGI KUU ENGLAND, KLABU GANI? HILO NDILO SUALA

IMEWEKWA JUNI 29, 2013 SAA 7:59 MCHANA
KLABU ya Cardiff City imejitoa kwenye mbio za kuwania saini ya Victor Wanyama baada ya klabu yake, Celtic kushindwa kuidhinisha ofa waliyotoa kwa ajili ya kiungo huyo.
Kocha wa Cardiff, Malky Mackay bado anamtaka sana Mkenya huyo na amepandisha ofa yake baada ya ile awali ya Pauni Milioni 10 kukataliwa na Peter Lawwell Jumatatu.
Celtic tayari imekubali Pauni Milioni 12 kutoka Southampton wiki iliyopita, lakini mawakala wa kiungo huyo, Rob Moore na Ivan Modia, wamekataa kutokana na kutoridhishwa na vipengele vya maslahi binafsi ya mchezaji.
Wanted man: Celtic midfielder Victor Wanyama (centre) is the subject of an improved bid from Cardiff
Mtu anayetakiwa: Kiungo wa Celtic, Victor Wanyama (katikati) anayetakiwa na Cardiff

BIN ZUBEIRY inafahamu Cardiff imekwishafikia makubaliano na wawakilishi wa Wanyama juu ya mshahara anaotaka mchezaji huyo mwenye umri wa miaka 22.
Sasa klabu hiyo ya Parkhead lazima iamue aidha kutoa fursa ya mazungumzo rasmi kuanza — na Cardiff inajiandaa kupanda dau.
Kocha wa Celtic, Neil Lennon anaamini kiungo huyo amekwishacheza mechi yake ya mwisho katika klabu hiyo, na anaamini mchezaji huyo ataondoka wakati wowote.
Remember the name: Wanyama looks certain to leave Celtic this summer for the Premier League in England
Kumbuka jina hilo: Wanyama anaonekana anataka kuhamia Celtic akacheze Ligi Kuu ya England

TWANGA PEPETA KUZINDUA ALBAMU YAKE YA 12 LEADERS CLUB KESHO

Wanamuziki wa Twanga Pepeta
Na Majuto Omary, IMEWEKWA JUNI 29, 2013 SAA 7:44 MCHANA
BENDI ya African Stars “Wana Twanga Pepeta”  kesho Jumapili itazindua albamu yake 12 ijulikanyo kwa jina la Nyumbani Ni Nyumbani kwenye viwanja vya Leaders Club huku ikisherehekea miaka 15 tokea kuanzishwa kwake.
Uzinduzi huo utapambwa  na michezo mbali mbali kuanzia saa 3.00 asubuhi ambapo timu nane za mpira wa miguu zitawania zawadi mbali mbali katikamichuano ijulikanalo kwa jina la ASET Bonanza. Timu hizo zitaongozwa na ile ya waandishi wa habari za michezo, Taswa FC na nyingine kama Brake Point, Mango, Namanga, Kivukoni, Camp Combine, Wagadau na Kunduchi.
Mbali a burudani kutoka kwa Twanga Pepeta, siku hiyo pia kutakuwa na burudani kutoka kwa wanamuziki wa kizazi kipya, Linex, Barnaba, bila kusahau, wakongwe wa muziki wa dansi nchini, bendi ya Mlimani Park maarufu kwa mtindo wa Sikinde Ngoma ya Ukae.
Mkurugenzi wa kampuni ya ASET inayomili bendi hiyo, Asha Baraka alisema kuwa bendi inayoundwa na wanamuziki chipukizi au Yosso, Aset Academia nayo itatoa burudani ya utangulizi katika uzinduzi huo uliodhaminiwa na bia ya Kilimanjaro, Clouds Media Group, Radio One na CXC Africa.
Asha alisema kuwa wamejipanga kukoga nyoyo za mashabiki siku hiyo kwani wameandaa shoo mbali mbali zijulikanazo kwa jina la Twanga 2013 na nyimbo zao mpya zilizomo kwenye albamu hiyo ambazo ni Nyumbani ni Nyumbani uliyotungwa na Kalala Junior, Ngumu Kumeza (Ibrahim Mpoyo), Mwenda Pole (Badi Bakule), Kila Nifanyalo (Jumanne Saidi), Shamba la Twanga (Greyson Semsekwa na Twanga 2013 ambao ni utunzi wa wanamuziki wote wa bendi hiyo.
Albamu nyingine za bendi hiyo ni Kisa Cha Mpemba iliyozinduliwa mwaka 1999, Jirani (2000), Fainali Uzeeni (2001),  Chuki  Binafsi (2002), Ukubwa Jiwe (2003), Mtu Pesa (2004), Safari (2005),Password (2006),  Mtaa wa Kwanza (2007),  Mwana Dar es Salaam (2009) na Dunia Daraja iliyozinduliwa mwaka 2011.
Asha alisema kuwa wameamua kufanya hivyo ili kuwakumbusha mashabiki wao wapi walipoanzia (tokea) na wapi wanapokwenda katika muziki wa dansi. Alisema kuwa kimuziki wamepata mafanikio makubwa sana kutokana na kupata mialiko ya kimataifa kama nchi za Ulaya mama Uingereza, Ujerumani, Uholanzi, Finland, Norway na nyingine nyingi.

ARSENAL YAPAMBANA KUMSAJILI 'BRAZIL ONE', YATAKA DILI LIKAMILIKE HARAKA KUWAPIKU WAPINZANI

IMEWEKWA JUNI 29, 2013 SAA 1:35 ASUBUHI
KLABU ya Arsenal itaangalia uwezekano wa kukamilisha usajili wa kipa namba wa Brazil na klabu ya Queens Park Rangers, Julio Cesar baada ya Kombe la Mabara.
Arsene Wenger anataka kipa mzoefu atengeneze ushindani kwa Lukasz Fabianski na Wojciech Szczesny.
Mazungumzo baina ya wawakilishi wa Cesar na viongozi wa Gunners tayari yamefanyika, lakini hayajamalizika kwa kuwa kipa huyo yupo kwenye majukumu ya kimataifa.
Wanted: Julio Cesar is set to join Arsenal following Queens Park Rangers' relegation to the Championship
Anayetakiwa: Julio Cesar anatarajiwa kujiunga na Arsenal kufuatia kushuka daraja kwa Queens Park Rangers
Wanted: Julio Cesar is set to join Arsenal following Queens Park Rangers' relegation to the Championship
The Gunners sasa inatarajiwa kumaliza dili hilo mara moja tu, baada ya kubainika Roma ya Italia nayo imeingia kwenye mbio za kuwania saini ya Cesar.
Kipa huyo wa kimataifa wa Brazil ambaye yupo huru kuondoka Loftus Road kufuatia kushuka kwa QPR hadi Championship, anataka kubaki London ambako amezoea maisha tangu awasili msimu uliopita akitokea Inter Milan.
Na The Gunners - ambayo inatumai kukamilisha pia usajili wa Gonzalo Higuain wiki ijayo, baada ya kocha wa Real Madrid, Carlo Ancelotti kufungua njia kwa mshambuliaji huyo kuondoka  Hispania - inajiamini dili hilo litakamilishwa baada ya Fainali ya Kombe la Mabara Jumapili.
Wenger alitaka kusajili kipa wa Stoke, Asmir Begovic na wa Liverpool, Pepe Reina lakini, licha ya kuwa na fungu la bajeti ya usajili la Pauni Milioni 70, kocha huyo wa Arsenal ameona  hana sababu ya kutumia fedha nyingi kwa ajili ya kipa.
Main man: Cesar impressed at Loftus Road despite the side's struggles in the Premier League
Mtu wa kwanza: Cesar amekuwa kivutio Loftus Road licha ya timu yake kuipa mkono wa kwaheri Ligi Kuu

Rangers itasikiliza ofa ya kiasi cha Pauni Milioni 2 kwa Cesar, wakati mshahara wake wa Pauni 70,000 kwa wiki halitakuwa tatizo kwa The Gunners, ambayo imetuma waangalia vipaji wake nchini Brazil kumuangalia Cesar anachokifanya katika Kombe la Mabara.
Pamoja na mpango wa kuwasajili Cesar na Higuain, The Gunners pia wanataka kumsajili beki wa Swansea, Ashley Williams na kiungo wa Everton, Marouane Fellaini. Lakini masuala ya kifedha yanatia saka kama Arsenal itaweza kusajili wachezaji wote hao.
Hadi sasa, Arsenal imegoma kumpa Fellaini mshahara wa Pauni 100,000 kwa wiki na pia imeshindwa kufika dau la Pauni Milioni 24 za kumnunua.
Missing out? Arsenal look set to be priced out of moves for Marouane Fellaini and Ashley Williams (below)
Amekosekana? Arsenal linataka kuwasajili Marouane Fellaini na Ashley Williams (chini)
Ashley Williams

ROONEY HABAKI MAN UNITED, MOYES SASA KAZI ANAYO...KIJANA MGUU NJIANI KUELEKEA DARAJANI

IMEWEKWA JUNI 29, 2013 SAA 1:13 ASUBUHI
KOCHA David Moyes atakabiliwa na mwanzo mgumu atakapoanza tu kazi Manchester United, baada ya kubainika Wayne Rooney bado ana msimamo wa kuondoka Old Trafford.
Kocha huyo wa zamani wa Everton anayeanza kazi rasmi Jumatatu Manchester United, alitumai kumshawishi Rooney kusahau tofauti zake na kocha aliyestaafu Sir Alex Ferguson na kuelekeza nguvu zake katika kuiwezesha klabu kutetea ubingwa wa Ligi Kuu.
Mind elsewhere: Wayne Rooney was at Glastonbury on Friday as he contemplates his future
Popote poa: Wayne Rooney alikuwa Glastonbury Ijumaa katika sehemu ya likizo yake
Mind elsewhere: Wayne Rooney was at Glastonbury on Friday as he contemplates his future
Mind elsewhere: Wayne Rooney was at Glastonbury on Friday as he contemplates his future
Lakini, katika hatua ambayo itamuweka mkao wa kula kocha mpya wa Chelsea, Jose Mourinho, mshambuliaji huyo mwenye umri wa miaka 27 hayuko katika dalili za kughairi juu ya mpango wake na anatarajiwa kumuambia Moyes bado anataka kuondoka.
BIN ZUBEIRY inafahamu kupitia Sportsmail kwamba United imeanza kupanga maswali ya kumuuliza mshambuliaji huyo wa England, aliyewagharimu Pauni Milioni 27 walipomsajili kutoka Everton mwaka 2004.
Job on his hands: David Moyes looks set to miss out on working with Rooney for a second time
Kazi ipo mikononi mwake: David Moyes anatarajiwa kupoteza fursa ya kufanya kazi na Rooney kwa mara ya pili
Job on his hands: David Moyes looks set to miss out on working with Rooney for a second time
Ikiwa Moyes atafeli katika mazungumzo yake na Rooney, United italazimika kumuuza kwa angalau Pauni Milioni 25.
Chelsea inaonekana kuwa katika nafasi nzuri zaidi ya Arsenal kumpata mpachika mabao huyo, na hiyo inatokana na kambi ya Rooney kwamba haijaamua akacheze nje.

CARRAGHER ASEMA SUAREZ KUONDOKA KLABU KUBWA KAMA LIVERPOOL HAIWEZEKANI, NA AKIBAKI AMEBAKI MILELE

IMEWEKWA JUNI 28, 2013 SAA 12: 58 JIONI
BEKI wa zamani wa Liverpool, Jamie Carragher haamini kama mshambuliaji Luis Suarez ataondoka majira haya ya joto.
Mwanasoka huyo wa kimataifa wa Uruguay ametamka mara kadhaa tangu mwishoni mwa msimu kwamba anataka kuhamia Real Madrid kwa sababu ya kusakamwa na vyombo vya habari Uingereza.
Liverpool bado haijatamkiwa na mchezaji huyo au wakala wake juu ya mpango wa kuhamia klabu hiyo ya Hispania.
Goal machine: Suarez was Liverpool's top scorer last season, but he couldn't inspire Uruguay to cup glory
Mtambo wa mabao: Suarez alikuwa mfungaji bora wa Liverpool msimu uliopita, lakini ameshindwa kuibeba Uruguay
Goal machine: Suarez was Liverpool's top scorer last season, but he couldn't inspire Uruguay to cup glory
Farewell: Carragher retired at the end of last season
Ameaga: Carragher amestaafu mwishoni mwa msimu uliompita
Suarez bado yupo kwenye majukumu ya kimataifa katika Kombe la Mabara, ambako ataiongoza timu yake katika mchezo wa kuwania nafasi ya tatu dhidi ya Italia Jumapili.
Lakini mara mashindano hayo yatakapofikia tamati, inatarajiwa ndiyo mijadala kuhusu mustakabali wake itachukua nafasi.
Na licha ya kelele zote za mshambuliaji huyo mwenye umri wa miaka 26 kusema anataka kuondoka, Carragher, aliyestaafu mwishoni mwa msimu uliopita, anabakia na matumaini kwamba klabu yake ya zamani itamtuliza mchezaji huyo aliyefunga mabao 30 msimu uliopita.
"Nafikiri anaweza kubaki. Klabu fulani kubwa zinaweza kuwa na nia naye, kwa sababu ni mchezaji wa kiwango cha juu na hicho ni kitu ambacho inabidi tukubali,' aliiambia ITV.
"Hatuwezi kulalamika juu ya hilo, tulimnunua kutoka Ajax. Alisani Mkataba majira yaliyopita ya joto na amebakiza miaka michache na natumai tutambakiza.
"Ni muhimu sana. Inawezekana alikuwa mchezaji bora katika Ligi Kuu England msimu uliopita na unatakiwa kuwabakiza wachezaji wako bora, ambavyo ndivyo alivyo,".

JANJA YA BARCELONA KUMLAINISHA THIAGO ASIENDE MAN UNITED, WAMUONGEZEA MKATABA MDOGO WAKE RAFINHA

IMEWEKWA JUNI 28, 2013 SAA 8:39 MCHANA
KLABU ya Barcelona imekubali kusaini Mkataba mpya na Rafael 'Rafinha' Alcantara ili kuendelea kuishi na mdogo huyo wa Thiago hadi mwaka mwaka 2016.
Kiungo huyo mwenye umri wa miaka 20, sasa anaweza kutumika kama ushawishi kwa kaka yake, Thiago na klabu hiyo Katalunya ili asikubali kuhamia Manchester United anakotakiwa abaki.
Awali, Rafinha alihusishwa na kuhamia Ligi Kuu England ambako kaka yake, Thiago pia yuko njiani kuhamia.
New deal: Rafinha Alcantara has signed a contract extension at Barcelona
Mkataba mpya: Rafinha Alcantara amesaini Mkataba wa kuendeela kukipiga Barcelona
Transfer blow: The news will come as a blow to Manchester United who were hoping a Rafinha move to England would increase their chances of landing older brother Thiago
Pigo: Habari hizi zinaweza kuwa pigo kwa Manchester United ambayo ilitarajia Rafinha kuhamia England angesaidia wao kumpata kaka yake, Thiago
Lakini klabu hiyo ya Catalan inatarajiwa kuwa na mazungumzo na kiungo huyo anayetaka kuondoka, ambaye amekubali mshahara wa Pauni Milioni 5.5 kwa mwaka kutoka United baada ya kushindwa kupata uhakika wa namba katika kikosi cha kwanza msimu uliopita.
Mkataba wake unasema anatakiwa acheze kwa asilimia 60 kikosi cha kwanza, kitu ambacho hakikufikiwa.
Barcelona inataka mchezaji huyo mwenye umri wa miaka 22 abaki na imemuhakikishia atakuwa kiongozi wa timu baada ya Xavi na Iniesta kueonekana wanalekea 'uzeeni'.
Rafinha, ambaye ameamua kufuata uraia wa baba yake, Mazinho Brazil, badala ya Hispania kwa mama, alitwaa Kombe la Dunia na Brazil na ameichezea mechi 36 Barcelona B msimu uliopita, akifunga mabao 10 kikosi hicho cha wachezaji wa akiba kikishika nafasi ya nane Ligi ya Segunda. 
Switching allegiance: Rafinha switched from playing for Spain to play for Brazil
Kubadili uraia: Rafinha amebadili uraia kutoka Hispania hadi Brazil

NOTA WAWILI MAKINDA WA TANZANIA WAULA KITUO CHA VIPAJI ASPIRE

Katibu wa TFF, Angetile Osiah (katikati) akizungumza na Waandishi wa Habari leo. Kulia ni Abdulrasul Bitebo na kushoto ni Martine Omella Tegazi
Na Boniface Wambura, IMEWEKWA JUNI 28, 2013 SAA7:58 MCHANA
WACHEZAJI wawili kutoka Tanzania wamechaguliwa miongoni mwa 50 waliofanyiwa majaribio nchini Uganda kwa ajili ya kuingia katika kituo cha kuendeleza vipaji (centre of excellence) kilichoko Doha nchini Qatar kupitia mpango wa kukuza vipaji wa Aspire Football Dream.
Abdulrasul Tahir Bitebo (15) ambaye ni mshambuliaji kutoka Kituo cha Uwanja wa Karume, na Martin Omela Tangazi (14) ambaye ni beki kutoka Kituo cha Ukonga ndiyo waliochaguliwa kutoka Tanzania kuingia katika kituo ambapo watakaa kwa mwezi mmoja kabla ya kusaini mkataba rasmi wa kuendelezwa.
Martine Omella

Wachezaji wengine walikuwa wakitoka katika nchi za Uganda na Kenya. Mchezaji mwingine aliyefuzu katika nafasi tatu zilizokuwepo ni kutoka nchini Kenya.
Mpango wa Aspire Football Dream unafadhiliwa na Mtoto wa Mfalme wa Qatar katika nchi 16 duniani, na kwa hapa nchini uko chini ya Idara ya Ufundi ya Shirikisho la Mpira wa Miguu Tanzania (TFF).
TFF ina jumla ya vituo 14 vya kuendeleza vipaji kupitia mpango huo wa Aspire Football Dream. Vituo hivyo ni Karume, Kigamboni, Tandika, Kawe, Ukonga, Kitunda, Mbagala, Magomeni, Makongo, na Tabata vilivyo katika Mkoa wa Dar es Salaam. Vingine ni Bagamoyo kilichopo mkoani Pwani, Morogoro, Arusha na Moshi mkoani Kilimanjaro.
Abdilrasul Bitebo

Kituo kingine cha kuendeleza vipaji (centre of excellence) cha Aspire kipo Dakar nchini Senegal, ambacho kuna Mtanzania mmoja, Organes Molel.
Mwanasoka bora wa dunia, Muargentina Lionel Messi anayechezea Barcelona ya Hispania, jana amefanya ziara katika kituo hicho na kujionea namna nyota wa kesho wanavyoandaliwa.

TFF KUENDESHA KOZI SITA ZA KITAALAMU

Leodegar Tenga, rais wa TFF
Na Boniface Wambura, IMEWEKWA JUNI 28, 2013 SAA 7:55 MCHANA
SHIRIKISHO la Soka Tanzania (TFF) litaendesha kozi sita tofauti za mpira wa miguu kati ya Julai na Septemba mwaka huu.
Kozi hizo ni FIFA 11 For Health itakayofanyika Hombolo mkoani Dodoma kuanzia Julai 8 hadi 19 mwaka huu. Julai 6 hadi 15 mwaka huu kutakuwa na kozi ya mpira wa miguu wa ufukweni (Beach Soccer) itakayofanyika jijini Dar es Salaam.
Waamuzi wa FIFA nao watakuwa na kozi itakayofanyika kati ya Agosti 22 hadi 26 mwaka huu jijini Dar es Salaam wakati kozi ya ukocha kwa ajili ya Copa Coca-Cola itafanyika jijini Dar es Salaam kati ya Agosti 12 na 17 mwaka huu.
Vilevile kutakuwa na kozi ya mpango wa grassroots unaolenga wachezaji mpira wa miguu (wasichana na wavulana) wenye umri kuanzia miaka 6-12 itafanyika kuanzia Septemba 9 hadi 13 mwaka huu jijini Dar es Salaam wakati tamasha (festival) la grassroots litafanyika Uwanja wa Karume, Septemba 14 mwaka huu.
Wakati huo huo: Mechi za marudiano za hatua ya nne ya Ligi ya Mabingwa wa Mikoa (RCL) zitachezwa Jumapili (Juni 30 mwaka huu) kwenye viwanja vya Sokoine jijini Mbeya, na Kambarage mjini Shinyanga.
Friends Rangers ya Dar es Salaam ambayo katika mechi ya kwanza ilifungwa nyumbani mabao 3-0 itakuwa mgeni wa Stand United FC mjini Shinyanga wakati Kimondo SC itaikaribisha Polisi Jamii ya Mara jijini Mbeya. Katika mechi ya kwanza timu hizo zilitoka sare ya mabao 2-2.
Hatua ya mwisho ya RCL itachezwa Julai 3 mwaka huu kwa mechi za kwanza wakati zile za marudiano zitafanyika Julai 7 mwaka huu. Timu tatu za kwanza zitapanda daraja kucheza Ligi Daraja la Kwanza (FDL) msimu ujao.

MESSI ATEMBELEA AKADEMI YENYE KINDA MTANZANIA NA KUSEMA, MOURINHO ATATISHA CHELSEA

IMEWEKWA JUNI 28, 2013 SAA 6:41 MCHANA
MWANASOKA bora wa dunia, Lionel Messi ametembelea akademi ya Aspire nchini Senegal ambako kuna mchezaji mmoja chipukizi kutoka Tanzania, Orgenes Molel. 
Na akiwa huko, amesema anaamini kocha mpinzani wake wa zamani, Jose Mourinho atapata mafanikio Chelsea na ameweka wazi, Mreno huyo ni 'bonge la kocha'.
Mourinho amerejea Chelsea baada ya kumaliza kuitumikia Real Madrid mwishoni mwa msimu uliopita. 
Kocha huyo wa zamani wa Porto na Inter Milan alikuwa maarufu Hispania kutokana na kukuza upinzani wa Real na Barcelona katika kipindi alichokuwa akifanya kazi Madrid. 
Man in the middle: Lionel Messi was in Senegal visiting the Aspire Academy in Senegal
Mtu kati: Lionel Messi alikuwas Senegal kutembelea akademi ya Aspire Academy
Warm welcome: Messi was there to support the 'Football Combating Malaria' project in the African country
Mapokezi makubwa: Messi amepata mapokezi makubwa Senegal alipokwenda katika kampeni ya kupiga vita Malaria kwa nchi za Afrika
Warm welcome: Messi was there to support the 'Football Combating Malaria' project in the African country
Success: Mourinho replaces Rafa Benitez at Chelsea for his second spell at the club
Mafanikio: Mourinho amechukua nafasi ya Rafa Benitez Chelsea
New in town: Carlo Ancelotti (centre) was appointed as Mourinho's replacement in Madrid
Carlo Ancelotti (katikati) amerithi mikoba ya Mourinho Madrid

Top